XENODOCHIUM

XENODOCHIUM

Graece Ξενοδοχεῖον, locus est πρὸς κοινὴν ὑποδοχὴν τῶ ξένων κατεσκευασμένος, can. 10. Concil. Chalced. in Collect. Constitut. Eccl. ex l. 1. Cod. tit. 2. num. 15. alibique memoratus, ubi a Μαρτυρίῳ, sacello seu templo, in Martyris alicuius honorem et memoriam aedificato; Πτωχείῳ, ubi pauperes aluntur,, et Νοσοκομείω, ubi aegri curantur, distinguitur. Proprie enim hospitibus excipiendis, quod ipsum etymon innuit, inservit Xenodochium, quae vox occutrit apud Augustin. in JOannem, Tract. 97. Xenodochia et MOnasteria postea sunt appellata novis nominibus, res tamen ipsae et ante nomina sua erant, et religionis veritate firmantur. Ξενὼν vocatur Chrysostomo, Homil. in Acta 45. Καταγώγιον τῶ ξένῳν, Basilio, Epist. 371. in veterib. Glossis, Hospitalium. Idem Chrysostomus κελλίον τοῦ Χριςτοῦ, Cellulam Christi appellat, et locum fuisse ab Aede saera segregatum, ac antiquitus subterraneum, docet, d. l. Η῾ οἰκία αὐτῷ τῷ Χριςτῷ ἀφώριςται. Κᾄν κατῴγειον ᾖ καὶ εὐτελὲς, ὠκ ἀπαξιοῖ, Haec cellula Christi est: domus ista ei segregata est. Etiamsi subterranum sit ac vile, non despicit. Cuiusmodi pro peregrinis loca primus exstruxisse dicitur Hierosolymis Hyrcanus Iudaeorum Rex, uti legimus apud Iosephum, Antiqq. l. 1. c. 2. Hegesippum, l. 1. et Isidorum in Origin. l. 15. c. 2. Instirutum hoc postmodum Christianis Imperatorib. certatim sequutis: ad quorum aemulationem ipse quoque Iulianus Xenodochia, ubi inopes sine discrimine exciperentur, iussit exstrui, teste Theophane in Chronographia. Inprimis vero hac in re laudanda diligentia Equitum Ordinis S. Ioannis, qui etiam nomen inde habent, uti pluribus videre est apud Dominic. Macrum, Apolog. ad calumn. Hieronymi Brusonis. Primum autem Xenodochium Constantinopoli

a. S. Zotico conditum, habetur in Constitut. Leonis Imper. In Italia, post Barbaros pulsos, primum Senis exstructum a Sorore A. C. 898. legas apud eundem Macrum in Hierolexico, ubi Hispitale de Schala id appellatum, addit etc. Sed et latius vox extensa, ut etiam Πτωχεῖον, uti videre est ex iis, quae modo de Iuliano diximus; item Νοσοκομεῖον, uti apud Suidam voce Ξενὼν, comprehendat. Sed et Xenodochii nomine venire Hospitium Religiosorum, ubi non habetur formatum MOnasterum, eidem Macro notatum est. Qui vero Xenodochtis praeerant, Xenodochi dicuntur Gregorio M. in Regist. l. 3. Epist. 24. Sic Isidorus Presbyter Xenodochus Alexandrinae Eccles. vocatur Palladio, in Lausiacâ c. 1. etc.